Захиргаа > zahirneg > Гадаад харилцаа хамтын ажиллагааны газар

Гадаад харилцаа хамтын ажиллагааны газар

Гадаад харилцаа хамтын ажиллагааны газар

 

 

 

 

 

 

 

 

 

 

 

Танилцуулга

         Гадаад харилцаа хамтын ажиллагааны газар нь Монгол улсын АШУҮИС-ийн Удирдах Зөвлөлийн 2015 оны 04 дүгээр сарын 05-ны өдөр батлагдсан 2015-2024 оны Хөгжлийн бодлогыг үндсэн ажилдаа удирдлага болгож,  Ази Номхон далайн баруун эргийн Бүсийн анагаах ухааны шилдэг 100 их сургуулийн нэг болох зорилтийг хэрэгжүүлэн ажиллаж байна.

         Гадаад харилцаа, хамтын ажиллагааны газар нь гадаад харилцааны алба, гадаад хэлний төв гэсэн үндсэн хоёр нэгжтэйгээр үйл ажиллагаа явуулдаг. 

 

         Гадаад хэлний төв нь анх БНМАУ-ын Сайд нарын зөвлөлийн шийдвэрээр МУИС-ийн Анагаах Ухааны Факультетыг Анагаах ухааны дээд сургууль болгон өөрчлөн бaйгуулахад тус төв нь “Орос хэлний тэнхим” нэртэйгээр 1961 онд үүсгэн байгуулагдсанаар түүхэн замналаа эхэлжээ. МУИС-ийн Орос хэлний тэнхимээс багш Ц.Цэдэн  /1961-1986/, Г.Бадамгарав /1961-1984/, С.Дулмаа /1961-1981/, Ч.Сэр-Од /1961-1963/, С.М. Цыренова  /1961-1990/, М.А. Таракановская  /1961-1990/, Е.М. Игнатьева  /1961-1990/ нарын бүрэлдэхүүнтэй 7 багш ажиллахаар томилогдон ирснээс багш Ц.Цэдэнг тэнхимийн эрхлэгчээр ажиллуулжээ.

        1973 оноос англи хэл, латин хэлийг заах болсноор тус тэнхмийн үйл ажиллагаа өргөжин Гадаад хэлний тэнхим нэртэй болон өөрчлөгдөж, тэнхимийн багш нарын бүрэлдэхүүн, заах хичээлийн тоо нэмэгдэж, тэнхимийн хөгжилд нэгэн шинэ үе нээсэн.  1980 он гэхэд гадаад хэлний тэнхим нь орос хэлний 30, латин хэлний 3, англи хэлний 2 багш, 2 туслах ажилтны хамт нэг хичээлийн жилд 1-3-р дамжааны оюутнуудад орос хэл, 1-р дамжааны оюутнуудад латин хэл, ахлах дамжааны оюутнуудад сонгон суралцах хэлбэрээр цагийн англи хэлний хичээл тус тус зааж байсан нь тэнхимийн түүхэнд тэмдэглэгдэн үлдсэн байдаг.

        1990 оноос Монголын нийгмийг хамарсан улс төр, нийгэм эдийн засгийн өөрчлөлт нь боловсролын салбарыг хамран, их дээд сургуулийн  хичээлийн хөтөлбөр, стандартад шинэчлэлийн эхийг тавьсан нь англи хэл болон монгол бичгийг албан ёсоор зааж эхэлсэн явдал байлаа. Англи хэлийг их, дээд сургуулиудад идэвхитэй зааж эхэлсэн тул тэнхимийн орос хэлний багш нарыг англи хэлний дамжаанд суулган англи хэлний багшаар бэлтгэж эхэлсэн.

        Одоо АШУҮИС-ийн суурь боловсролын дамжааны оюутнуудад “Medical terminology” номыг ашиглан анагаахын англи хэл, түүнчлэн сонгон суралцах чиглэлээр “elementary, pre-intermediete, pre-IELTS” гэсэн 3 түвшингээр “Enterprise” болон бусад сурах бичиг ашиглан явуулж байна.Тус тэнхимийн багш нар АУС, МУА, Био-АС, НАС, ЭЗ, НЭМ сургуулийн хоёрдугаар дамжааны оюутнуудад өөрсдийн бичиж хэвлүүлсэн сурах бичиг, гарын авлага ашиглан мэргэжлийн англи хэл зааж байна.

         2015 онд Гадаад харилцаа хамтын ажиллагааны албаны харьяанд Гадаад хэлний төв гэсэн бүтэцтэйгээр Сувилахуйн сургуулийн багш нарын хамт нийт 23 багш сурган хүмүүжүүлэгчдийн хамт өнөр өтгөн нэгж болон хөгжжээ.

 

        Гадаад харилцааны алба.Анхны үндэс суурь нь 1968 онд ОХУ-ын Эрхүүгийн анагаахын их сургуультай хамтран ажиллаж,  эм зүй болон сувилахуйн чиглэлээр оюутан солилцоо явуулснаар эхэлсэн байна.

Энэ цагаас эхлэн АШУҮИС-ийн гадаад харилцаа жилээс жилд улам бүр өргөжин тэлсээр өнөөгийн байдлаар 24 орны 166 их, дээд сургууль болон дэлхийн нэр хүнд бүхий байгууллага, нийгэмлэг холбоодтой тогтвортой хамтран ажиллаж байна. Үүнд:

- Хамтын үйл ажиллагаа үр дүнтэй явагдаж буй Японы Токушима,  Жичи, Гунма, Нагасаки, Тояама Мияазаки их сургуулиуд,

- БНХАУ-ын Бээжин, Тянжингийн их сургуулиуд, Тунляо дахь Өвөр монголын үндэстний их сургууль, Хөх хотын АУИС, Ордосын Анагаахын сургууль

- АНУ-ын Харвард, Жонс Хопкинс, Висконсин Мадисон, Вашингтон, Юта, Монтанагийн их сургуулиуд,

- АНУ-ын Анагаах болон Нүүр ам судлалын холбоо (CMDA), Свансоны гэр бүлийн сан,

- Нидерландын Гронингений их сургууль,

- Германы Дюссельдорф дахь Хейнрих Хайнегийн их сургууль,

- Австрийн Венийн их сургууль, Евроази Пейсифик юнинет,

- Австралийн Сиднейн их сургууль зэрэгтэй хамтын ажиллагаа өргөжүүлэн хамтарсан сургалт, судалгаа явуулах, багш оюутан солилцох, мэдээлэл солилцох зэргээр үйл ажиллагаа явуулж байна.

 

2015 оны байдлаар 32 сургууль, байгууллагуудтай хамтын ажиллагааг шинээр болон үргэлжлүүлэн байгууллаа.  Үүнд:

1. ОХУ-ын Эрхүүгийн Анагаах Ухааны их сургууль /2014.12.16/,

2. Японы Сисмекс Корпораци /2015.01.21/,

3. БНСУ-ын Дорно дахины Анагаах ухааны Кореа институт /2015.03.03/,

4. БНСУ-ын Сөүлийн Үндэсний Их сургуулийн Нийгмийн Эрүүл Мэндийн Сургууль /2015.02.05/,

5. БНСУ-ын АСАН Анагаах Ухааны төв /2015.03.02/,

6. Японы Нагоя Хотын Их сургууль /2015.03.13/,

7. БНХАУ-ын Өвөр Монголын үндэстний их сургууль /2015.03.24/,

8. ОХУ-ын ОХУ-ын Улаан үдийн Дорно дахины анагаах ухааны төв /2015-03-19/,

9. Японы Эхимэ Үндэсний Их сургууль /2015.04.06/,

10. АНУ-ын Монтана улсын их сургууль /2015.04.21/,

11. Канадын Калгари Их сургууль /2015.04.27/,

12. Японы Ойта Их сургуулийн Анагаах ухааны факультет /2015.04.21/,

13. Олон Улсын Аптон Институт /2015.05.08/,

14. БНСУ-ын Хараагүйчүүдийн Силоам төв /2015.04.30/,

15. ОХУ-ын Байгалийн Чанадын улсын их сургууль /2015.05.15/,

16. БНХАУ-ын ӨМӨЗО-ны Өвөр Монголын АУИС-ийн Ордос дээд сургууль /2015.06.17/,

17 БНСУ-ын Молекул болон эсийн биологийн Нийгэмлэг /2015.07.04/,

18. Японы Доккёо Анагаах ухааны их сургууль /2015.07.04/,

19. Японы Тояама их сургуулийн Эмзүйн салбар /2015.07.07/,

20.Японы Жичи Анагаах ухааны их сургууль /2015.07.13/,

21. Японы Эрүүл мэнд нийгмийн халамжийн Олон улсын их сургууль /2015.07.16/,

22. БНСУ-ын Чүнгбүк Үндэсний их сургууль /2015.07.23/,

23. Швейцарь улсын Берн Их сургуулийн Анагаах ухааны факультет /2015.07.24/,

24. Японы Рикен институт /2015.08.12/,

25. Туркийн Кукурова их сургууль /2015.08.27/,

26. ХБНГУ-ын Мартин Лютер Их сургуулийн Анагаах Ухааны факультет /2015.09.02/,

27. Японы Анагаах ухаан, Эрүүл мэндийн шинжлэх ухааны Токио Ариаке их сургууль /2015.09.08/,

28. ОХУ-ын Новосибирскийн Анагаах Ухааны улсын их сургууль /2015.10.05/,

29. Японы Каназава их сургууль /2015.10.20/,

30. Японы Тейко-Хесэй их сургууль /2015.10.29/,

31. Японы Тотори их сургууль /2015.10.26/,

32. АНУ-ын Юта их сургууль /2015.11.11/ тус тус гэрээ байгууллаа.

 

Хөгжингүй орнуудад багш оюутан солилцох хөтөлбөрүүд

Өнгөрсөн хичээлийн жилд АШУҮИС-ийн багш нараас 41 багш урт хугацааны, 100 багш богино хугацааны сургалтаар гадаадын орнуудад суралцсан байна. 

 


 
Тус хугацаанд нийт 100 багш оюутан богино хугацааны солилцооны хөтөлбөрт хамрагдсан байна. Үүнд:

 

- Японы Токушима их сургуулийн зуны оюутан солилцооны хөтөлбөрт – 6 оюутан /2015.7.31-8.4/,

- Японы Нагасаки их сургуулийн 6 сарын солилцооны хөтөлбөрт - 3 оюутан /2015.03.18-09.18/,

- Жичигийн АУС-д оюутан солилцооны хөтөлбөрт 1 багш 4 оюутан /2015.10.5-12/,

- ОХУ-ын Эрхүүгийн АУИС-д оюутны дадлага ажлаар 1 багш 5 оюутан /2015.10.08-17/,

- БНСУ-ын Ионсей их сургуулийн НАСС-ын эмнэлэгт 26 резидент, 1 оюутан,

- Залуу удирдагч солилцооны хөтөлбөрт – 5 оюутан,

- Японы Меккай их сургуульд 6 резидент 1 оюутан,

- Голландын Гронингены их сургуулийн ISCOM эрдэм шинжилгээний хуралд 2 оюутан,

- ХБНГУ-ын Хейнрих Хайнегийн их сургуульд 1 оюутан 1 сарын хугацаагаар, 

- Японы Гунмагийн их сургуульд 4 оюутан 10 хоногийн хугацаагаар, 

- ӨМӨЗО-ны ӨМ-ын Үндэстнүүдийн их сургуульд 1 багш 10 оюутан,

- Хөх хотын АУИС-д 1 багш 10 оюутан,

- Ордосын АУС-д 2 багш, 10 оюутан тус тус хамрагдаад байна.

 

 

Гадаадаас тус сургуульд суралцаж байгаа оюутнууд

 

        2015-2016 оны хичээлийн жилд ОХУ, БНАЛАУ, БНСУ, ХБНГУ, БНХАУ, АНУ зэрэг 6 орноос бакалавр, магистрантур, докторантур, резидентурын сургалтанд нийтдээ 60 оюутнууд суралцаж байна. Үүнээс:

 

        Бакалаврын сургалтанд ОХУ, БНСУ, ХБНГУ, БНХАУ болон БНАЛАУ-ын нийтдээ 26 оюутан суралцаж байгаагаас засгийн газрын гэрээний дагуу 22, хувийн зардлаар 4 оюутан суралцаж байна.

 

Магистрантурын сургалтанд 23 оюутан хувийн зардлаар суралцаж байна.

 

         Докторантурын сургалтанд 11 оюутан суралцаж байгаагаас 1 нь засгийн газрын гэрээний дагуу, бусад нь хувийн зардлаар суралцаж байна.

 

 

Гадаадаас ирж суралцаж байгаа магистр, доктор, мэргэжил дээшлүүлэгчид /2015 он/

 

 

 

 

 

Гадаадаас ирж суралцаж байгаа магистр, доктор, мэргэжил дээшлүүлэгчид  /5 жил/

 

 

 

Гадаадын мэргэжилтэн, багш нар

 

2015-2016 оны хичээлийн жилд АШУҮИС-д урт хугацаагаар ажиллаж байгаа гадаадын  12 багш профессор байна.  Үүнд:

 

   

Мөн 2015 онд тус сургуулийн “Зочин Профессор” цолыг

 

- Японы Ойта их сургуулийн профессор Ёшио Ямаока,

- Нагояа их сургуулийн профессор Мамору Ямашита,

- Айчи Гакуйн их сургуулийн профессор Казуо Такүчи, профессор Кубо Кацутоши,

- Тайваны Эрүү нүүрний холбооны профессор Чин Хуй Хон,

- АНУ-ын Иллинойс их сургуулийн профессор Ричард Жэйсэр,

- Доккёо их сургуулийн НАСС-ын профессор Ютака Имай,

- БНСУ-ын Сөүлийн Үндэсний их сургуулийн профессор Жон Хо Ли,

- АНУ-ын профессор Томас Келлэр,

- БНСУ-ын Дангук их сургуулийн профессор Бом Жин Чой,

 

 

 

АШУҮИС-ийн “Хүндэт Профессор” цолыг

 - Японы Жичи АУС-ын профессорТакаши Яширо, профессор Рёозо Нагай, профессор Тошихико Яада,

- Нагоя их сургулуийн ерөнхийлөгч профессор Сэйчи Мацуо,

- БНСУ-ын Ионсейн их сургуулийн профессор Чой Вон Кюу,

- “Хүндэт Доктор” цолыг Улаанбаатарт суугаа Япон улсын элчин сайд Такинори Шимизү нарт тус тус гардуулсан байна.

 

Үйл ажиллагааны чиглэл