Гадаад харилцаа
Гадаад харилцааны газар нь АШУҮИС-ийн тогтвортой хөгжлийн бодлогын хүрээнд шинжлэх ухаан, технологи, боловсрол, эрүүл мэндийн салбарт гадаад хамтын ажиллагааг хөгжүүлж, их сургуулийг олон улсад таниулах чиг үүрэгтэй. 2011 оны 6 дугаар сараас Гадаад харилцааны алба болж үйл ажиллагаагаа өргөжүүлсэн.
АШУҮИС-ийн гадаад хамтын ажиллагаа
Их сургуулийн гадаад хамтын ажиллагааны үндэс 1942 онд тавигдсан. Тухайн үед ЗХУ-аас В.С.Кудряшов (сургалт эрхэлсэн тэргүүн дэд захирал), В.Н.Топольский (Хүн эмнэлгийн факультетын декан) нарын мэргэжилтнүүд уригдан ирж, Монголын 24, Оросын 10 оюутанд хичээл зааж эхэлсэн.
2022 оны байдлаар
- 120+
- хамтын ажиллагааны гэрээтэй байгууллага
- 22
- орон
- 195
- хүндэт цол (1978 оноос, 20 орны төлөөлөгчид)
- 1942
- гадаад хамтын ажиллагааны эхлэл
Гэрээт байгууллагуудын дотор Япон 34, БНСУ 18, БНХАУ 17, АНУ 12, Тайвань 9, ОХУ 8, Турк 5 байгууллага багтана (2022).
1978 оноос хойш 20 орны төлөөлөгчдөд 195 хүндэт цол олгосон: хүндэт доктор 37, хүндэт профессор 98, зочин профессор 60. Үүнээс Японы 57, БНСУ-ын 29, БНХАУ-ын 8 төлөөлөгч байна (2022).
Хамтын ажиллагаа, хамтарсан төсөл
- БНСУ-ын Йонсей их сургуультай 1993 оноос хамтран ажиллаж байна. Тус сургууль гадаад номын сан, эрдэм шинжилгээний төв лаборатори байгуулж өгсөн бөгөөд багш, оюутны солилцоо хэрэгжиж байна.
- Монгол анагаах ухааны олон улсын сургууль 2014 оноос БНХАУ-ын Тяньжиний Уламжлалт анагаах ухааны их сургуультай «Зүү төөнө заслын их эмч» (4+2), 2016 оноос Японы Токио Ариакэ их сургуультай «Уламжлалт анагаахын засалч» хамтарсан хөтөлбөр хэрэгжүүлж байна.
- JICA-ийн «Монгол-Японы эмнэлгийн менежмент, тусламж үйлчилгээг хөгжүүлэх» төслийн 1-р шат 2017 онд өндөрлөсөн.
- 2019 оноос АНУ-ын Харвардын анагаах ухааны сургуультай T2T, T2C хөтөлбөрийг хоёр жил хэрэгжүүлсэн.
- Бүгд Найрамдах Австри Улсын Засгийн газрын хөнгөлөлттэй зээлээр их сургууль, харьяа эмнэлгүүдийн тоног төхөөрөмжийг шинэчлэх 7.5 сая еврогийн төсөл.
- 2021–2022 оны хичээлийн жилээс АНУ-ын Жоржиа мужийн их сургуультай хамтран англи хэл дээрх Хүний их эмчийн «2+4» хамтарсан хөтөлбөр эхэлсэн.
- 2022 онд БНСУ-ын Ханкүк их сургууль, Жэжү олон улсын их сургууль болон бусад байгууллагатай хамтын ажиллагааны гэрээ байгуулсан.
Оюутан солилцоо
АШУҮИС гадаадын их сургуулиудтай байгуулсан гэрээний хүрээнд богино хугацааны оюутан солилцоо, эмнэлзүйн туршлага солилцох, тэтгэлэгт хөтөлбөр хэрэгжүүлдэг. Зарыг Гадаад харилцааны газар болон бүрэлдэхүүн сургуулиуд зарлана. Доорх жагсаалтыг хуучин сайтад 2024 онд нийтэлсэн; тухайн жилийн нөхцөлийг Гадаад харилцааны газраас лавлана уу.
| Улс | Их сургууль | Түвшин | Хэн хамрагдах | Нөхцөл |
|---|---|---|---|---|
| БНСУ | Косин их сургууль | Бакалавр | Сувилахуйн оюутан | Богино хугацааны солилцоо, эмнэлзүйн туршлага солилцоо; мэдээлэл жил бүрийн 1-р сард ирнэ |
| БНСУ | Йонсей их сургуулийн Шүдний анагаахын сургууль | Бакалавр | Нүүр ам судлалын оюутан | Богино хугацааны солилцоо; зарыг Йонсей их сургууль гаргана |
| Япон | Хоккайдо их сургуульХолбогдох мэдээ ↗ | Бакалавр | Нүүр ам судлалын оюутан | Богино хугацааны солилцоо; зар 3 сар тутам гарна |
| Япон | Токушима их сургуульХолбогдох мэдээ ↗ | Бакалавр | Анагаах ухааны 3–5-р курсын оюутан | Богино хугацааны солилцоо, 10-р сард |
| Япон | Эрүүл мэнд, нийгмийн халамжийн олон улсын их сургууль (IUHW)Холбогдох мэдээ ↗ | Бакалавр | Хүний их эмчийн бэлтгэл (pre-medical) оюутан | Бүрэн тэтгэлэгт хөтөлбөр; голч дүнгээр эхний 20-т багтах, англи хэлний оноо; 2-р улирал |
| БНСУ | Йонсей их сургууль — Глобал манлайллын хөтөлбөр | Бакалавр | АШУҮИС-ийн оюутан | Богино хугацааны олон улсын хөтөлбөр |
| АНУ | Монтанагийн их сургууль, BioRegions International | Бакалавр | Анагаах ухааны 3–4-р курсын оюутан | Англи хэл, харилцааны ур чадвар сайтай оюутан Хөвсгөл аймагт Монтанагийн их сургуулийн профессоруудтай 1 сар орчуулга хийж, Монтанагийн их сургуульд эмнэлзүйн дадлагын шалгаруулалтад оролцох боломжтой |
| Япон | Жичи анагаахын их сургууль | Бакалавр | 2–5-р курсын оюутан | Богино хугацааны солилцоо, 8, 10-р сард; англи эсвэл япон хэлний сайн мэдлэг |
| БНХАУ | Жинжоугийн анагаахын их сургууль | Бакалавр, магистр | Анагаах, нүүр ам, эм зүй, сувилахуйн оюутан | 2-р улирал. Бакалавр: 25 хүртэл настай, голч өндөр, ЭЕШ-ын хими, математик, англи хэл 650+, HSK-3. Магистр: 35 хүртэл настай, бакалаврын зэрэгтэй, голч 3.2+, HSK-4 |
| Япон | Гунмагийн их сургууль | Бакалавр | Сувилахуйн сургуулийн хөдөлгөөн засал, хөдөлмөр засалын оюутан | Богино хугацааны солилцоо; англи эсвэл япон хэлний сайн мэдлэг |
| Швейцар | Цюрихийн хэрэглээний шинжлэх ухааны их сургууль (ZHAW) | Бакалавр | Сувилахуйн сургуулийн хөдөлгөөн засал, хөдөлмөр засалын оюутан | Богино хугацааны солилцоо |
| БНСУ | Жэжүгийн үндэсний их сургууль | Бакалавр | АШУҮИС-ийн оюутан | Богино хугацааны солилцоо |
| БНХАУ | Тяньжиний Хятадын уламжлалт анагаахын их сургууль | Бакалавр | Монгол анагаах ухааны олон улсын сургуулийн зүү эмчилгээний оюутан | «4+2» хөтөлбөр; голч 3.0+, HSK-4 |
| Япон | Токио Ариакэ анагаах ухаан, эрүүл мэндийн их сургууль | Бакалавр | Монгол анагаах ухааны олон улсын сургуулийн жүдо засалчийн оюутан | Жүдо физик эмчилгээний хөтөлбөр; япон, англи хэлний сайн мэдлэг |
| Герман | Дюссельдорфын Хайнрих Хайне их сургууль, Вирус судлалын хүрээлэн | — | Анагаах ухааны 2–5-р курсын оюутан | Богино хугацааны солилцоо; герман эсвэл англи хэлний оноо; удирдагч профессороо өөрөө олно |
| Польш | Быдгощийн эдийн засгийн их сургууль | Бакалавр | Нийгмийн эрүүл мэндийн оюутан | ERASMUS солилцоо; англи хэлний сайн мэдлэг |
| ОХУ | Эрхүүгийн улсын анагаахын их сургууль | Бакалавр | Эм зүйч, эм найруулагчийн оюутан | Богино хугацааны солилцоо |
| БНХАУ | Өвөр Монголын үндэстний их сургууль | Бакалавр | Эм зүйч, эм найруулагчийн оюутан | Богино хугацааны солилцоо |
Холбоо барих
Гадаад харилцааны газар
С.Зоригийн гудамж, АШУҮИС-ийн төв байр
int.relations@mnums.edu.mn
Даваа–Баасан 08:30–17:30