Бидний тухай

ШИМ ТЭЖЭЭЛ СУДЛАЛ, ХООЛ ҮЙЛДВЭРЛЭЛИЙН ЛАБОРАТОРИ

 

Товч танилцуулга

Шим тэжээл судлал, хоол үйлдвэрлэлийн лаборатори нь 2021 онд БНСУ-ын Сөүлийн Үндэсний Их сургуулийн дэмжлэгтэйгээр байгуулагдсан. Шим тэжээл судлал, Хоол үйлдвэрлэлийн Лаборатори (ШТСХҮЛ) нь төгсөлтийн өмнөх, төгсөлтийн, төгсөлтийн дараах сургалт, эрдэм шинжилгээ, туршилт, судалгаа, мэргэжлийн болон олон нийтэд чиглэсэн ажиллагаа явуулдаг АШУҮИС-ийн НЭМХ-ийн бүрэлдэхүүн нэгж юм. 

Танита багажид тулгуурлан насанд хүрсэн хүн болон хүүхдийн биеийн жингийн индекс, булчингийн масс, дотор өөх, биологийн нас, биеэс зарцуулагдах илчлэгийн хэмжээг тодорхойлох, анализ хийж, зөв зохистой хооллолтын зөвлөгөө мэдээлэл өгөх, хоол үйлдвэрлэх технологи, шим тэжээллэг хоол хүнсний үйлдвэрлэл, шинэ санаа, амьдралын чухал үе болох жирэмсний өмнөх болон жирэмсэн үе, хөхүүл эх, нярай болон бага насны хүүхэд, өсвөр нас, настан болон өндөр настны хоол үйлдвэрлэл, технологи, эмнэлзүйн үеийн хоолны цэс зохиох, жорын стандарт боловсруулах, турших, шалгах, хянах зэрэг үйл ажиллагаа явуулдаг. 

Судалгаа, эрдэм шинжилгээний чиглэл:

1. Танита биеийн хэмжилтийн багажаар насанд хүрэгчдийн болон хүүхдийн биеийн найрлагын хэмжилтийг хийх

2. Цусан дахь гемоглобин тодорхойлох

3. Цусан дахь сахарын агууламжийг тодорхойлох

4. Хоол хүнсний хэрэглээг хоол хүнсний биет үзүүлэн ашиглан тодорхойлох

5. Бага насны хүүхдийн хооллолтыг үнэлэх

6. Амьсгалын сорилын тусламжтайгаар сүүний лактоз шингээх чадварыг тодорхойлох

7. Үйлчлүүлэгчдийн өвчний онцлог, сэтгэл санааны байдал, хувь хүний бие махбод, энерги зарцуулалт, биеийн жингийн индекст нь тохирсон хоолыг зөвлөх

8. Хямарсан эрхтэн тогтолцоог нөхөн сэргээх, үйл ажиллагааг нь дэмжих, өвөрмөц технологиор бэлтгэсэн эмчилгээ сувиллын хоолыг зөвлөх, төлөвлөх, хоолны цэс боловсруулах, технологийн карт боловсруулах

Богино хугацааны сургалт зохион байгуулах чиглэл:

1. Эмнэлзүйн хоол

2. Нярай болон бага насны хоол зүй

3. Жирэмсэн болон хөхүүл эхийн хоол зүй

4. Настны хоол зүй

5. Спортын хоол зүй

6. Олон нийт, үйлчлүүлэгчид зохистой хооллолтын ач холбогдлыг таниулах, шим тэжээлийн боловсрол олгох мэдээлэл түгээх, мэдлэг олгох, зөв дадал зуршил хэвшүүлэх шим тэжээлийн сургалт зохион байгуулах

7. Жин хасах, илчлэг тооцоолох, хоол хүнс ба дасгал хөдөлгөөний чиглэлээр сургалт зохион байгуулах

 

Бүтэц, бүрэлдэхүүн

ШТСХҮ лаборатори нь сургалт, судалгаа, эрдэм шинжилгээ, туршилт, мэргэжлийн үйл ажиллагааны чиглэлээр “Хамтын ажиллагааны баг” бүрдүүлэх, “Салбар дундын баг” байгуулах бүрэн боломжтой.